సిరా న్యూస్, చిగురుమామిడి:
ముదిమాణిక్యంలో గడగడపకు అక్షింతలు
కరీంనగర్‌ జిల్లా చిగురుమామిడి మండలంలోని ముదిమాణిక్యం గ్రామంలో అయోధ్య రాములోరి అక్షింతలను ఇంటింటికి పంపిణీ చేసారు. శ్రీ రామ జన్మభూమి ట్రస్ట్, తీర్థ క్షేత్ర ట్రస్ట్ సంయుక్తంగా అందించిన ఈ అక్షింతలను గ్రామంలో ఆంజనేయుని ఆలయంలో ఉంచి, ప్రత్యేక పూజలు నిర్వహించారు. ఈ సందర్భంగా అక్షింతలతో పాటు రాముని చిత్రపటాలతో గ్రామంలోని ప్రధాన వీధుల గుండా శోభాయత్రను ఘనంగా నిర్వహించారు. మహిళలు పెద్ద ఎత్తున మంగళ హారతులతో ఈ కార్యక్రమంలో పాల్గొని విజయవంతం చేసారు. ఈ కార్యక్రమంలో సర్పంచ్‌ జక్కుల రవి, నాయకులు బండి పాపిరెడ్డి, కుడుకుల కనకయ్య, వరికోలు లస్మయ్య, అచ్చ రవీందర్, బొంగోని శ్రీనివాస్, తదితరులు పాల్గొన్నారు.
