సిరాన్యూస్, ఓదెల
సౌకర్యాలు తక్కువ …ఖాతాదారులు ఎక్కువ
తెలంగాణ గ్రామీణ బ్యాంక్ లో ఖాతాదారులకు ఇబ్బందులు
పెద్దపల్లి జిల్లా ఓదెల మండలం కేంద్రంలోని తెలంగాణ గ్రామీణ బ్యాంకులో వేల ఖాతాలున్న సౌకర్యాలు లేవు. ఏటీఎం లేక బ్యాంకు వచ్చిన ఖాతాదారులు అనేక ఇబ్బందులకు గురవుతున్నారు . మేజర్ గ్రామపంచాయతీ అయినా ఓదెలలో ఎస్బిఐ బ్యాంకు మంజూరు చేసినట్లయితే ఓదెల నాంసానిపల్లి, లంబాడి తండా, అమ్మిడిపల్లి కొమిర, గ్రామాల ఖాతాదారులకు సౌకర్యంగా ఉంటుంది. అలాగే విద్యార్థుల స్కాలర్షిప్ ల కోసం పక్క గ్రామమైన పొత్కాపల్లి ఆంధ్ర బ్యాంకు కు వెళ్లవలసిన పరిస్థితి దుస్థితి నెలకొంది. ఓదెల మండల కేంద్రంలో తెలంగాణ గ్రామీణ బ్యాంకులో సరైన సౌకర్యాలు లేక ఖాతాదారులు తీవ్ర అసహనం వ్యక్తం చేశారు. ఉన్నతాధికారులు ప్రజా ప్రతినిధులు చొరవ తీసుకొని ఎస్బీఐ బ్యాంకు మంజూరు చేయాలని ప్రజలు కోరుతున్నారు.
ఎస్బీఐ బ్యాంక్ ఏర్పాటు చేయాలి (ఎంబడి కుమార్, బ్యాంకు ఖాతాదారుడు )
ఓదెల మండలం కేంద్రంలోని తెలంగాణ గ్రామీణ బ్యాంకులో సౌకర్యాలు లేవు. కనీసం బ్యాంక్లో ఏటీఎం సౌకర్యం లేకపోవడంతో తీవ్ర ఇబ్బందులు పడుతున్నాం. ఉన్నతాధికారులు స్పందించి మండలంలో ఎస్బీఐ బ్యాంక్ను ఏర్పాటు చేయాలి.