చిగురుమామిడి, సిరా న్యూస్
హుస్నాబాద్ మాజీ శాసనసభ్యులు ఒడితల సతీష్ కుమార్
రానున్న పార్లమెంట్ ఎన్నికల్లో అత్యధిక స్థానాల్లో గెలిచి సత్తా చాటుతామని హుస్నాబాద్ మాజీ శాసనసభ్యులు ఓడితల సతీష్ కుమార్ దీమా వ్యక్తం చేశారు. మంగళవారం మండల కేంద్రంలోని రాహుల్ జూనియర్ కళాశాలలో నిర్వహించిన ముఖ్య కార్యకర్తల సమావేశానికి హాజరై ప్రసంగించారు. కరీంనగర్ పార్లమెంట్ స్థానంలో వినోద్ కుమార్ ని అధిక మెజార్టీతో గెలిపించడానికి కార్యకర్తలు సన్నద్ధం కావాలని కోరారు. రాష్ట్ర ముఖ్యమంత్రి రేవంత్ రెడ్డి బాధ్యతాయుతమైన విమర్శలు చేస్తే బాగుంటుందని… వారు విమర్శలు ప్రారంభించిన తర్వాతే బీఆర్ఎస్ పార్టీ ప్రతి విమర్శలు చేస్తుందని సూచించారు. కేంద్రంలో కాంగ్రెస్ పార్టీ అధికారంలోకి రాకపోతే రాజీనామాలు చేసే దమ్ముందా అని సవాల్ విసిరారు. కార్యక్రమంలో మండల పార్టీ అధ్యక్షుడు మామిడి అంజయ్య ఎంపీపీ కొత్త వినీత శ్రీనివాస్ రెడ్డి, జిల్లా నాయకులు శ్రీనివాస్ రెడ్డి, చింగిల్ విండో చైర్మన్ జంగా రమణారెడ్డి, పైస్ ఎంపీపీ బేతిరాజి రెడ్డి, ఎంపీటీసీలు సర్పంచులు కోఆప్షన్ సభ్యులు మండల గ్రామ స్థాయి నాయకులు కార్యకర్తలు పాల్గొన్నారు.