గంజాయి స్వాధీనం

 సిరా న్యూస్,సంగారెడ్డి;
సంగారెడ్డి జిల్లా బిడీఎల్ పోలీస్ స్టేషన్ పరిధిలోని కర్దనూర్ అవుటర్ రింగ్ రోడ్డు వద్ద ఒరిస్సా నుంచి కర్ణాటక వైపునకు అక్రమంగా తరలిస్తున్న 50 కిలోల గంజాయిని పట్టుకున్నారు. డీఎస్పీ రవీందర్ రెడ్డి మీడియా సమావేశం ఏర్పాటు చేసి మాట్లాడారు. కర్ణాటక రాష్ట్రం బాల్కికి చెందిన మల్లేష్ జాదవ్ (23) తో పాటు మరో ముగ్గురు రెండు కార్లు, ఒక బైక్ లో గంజాయిని తీసుకెళ్తున్నారు. పక్కా సమాచారంతో బీడీఎల్ పోలీసులు పట్టుకోవడంతో మల్లేష్ జాదవ్ పట్టుబడగా మరో ముగ్గురు అక్కడే వాహనాలను వదిలిపెట్టి పరారయ్యారు. నిందితుని వద్ద నుంచి రెండు కార్లు, ఒక బైక్, రెండు సెల్ ఫోన్లతో పాటు 50 కిలోల గంజాయిని పోలీసులు స్వాధీనం చేసుకున్నట్లు చెప్పారు. 50 కిలోల గంజాయి బహిరంగ మార్కెట్లో 12లక్షలు50 వేలు ఉంటుందని డిఎస్పీ రవీందర్ రెడ్డి వెల్లడించారు.