సిరా న్యూస్, చిగురుమామిడి:
ప్రజాసేవ కోసం ఎల్లప్పుడు ముందుండాలి…
-లక్ష్మి చారిటబుల్ ట్రస్ట్ చైర్మన్ రఘు నాథ్ రెడ్డి…
తాజా మాజీ సర్పంచులు, ఉప సర్పంచులు ప్రజా సేవ కోసం ఎల్లప్పుడూ ముందుండాలని లక్ష్మి చారిటబుల్ ట్రస్ట్ చైర్మన్ రఘు నాథ్ రెడ్డి అన్నారు. సోమవారం కరీంనగర్ జిల్లా చిగురుమామిడి మండలం ఇందుర్తి గ్రామంలో ఏర్పాటు చేసిన తాజా మాజీ ప్రజాప్రతినిధుల ఆత్మీయ సన్మాన సభకు ఆయన ముఖ్యఅతిథిగా హాజరయ్యారు. ఈ సందర్భంగా తాజా మాజీ సర్పంచ్ అందే స్వరూప, ఉప సర్పంచ్ తోట సతీష్, వార్డు సభ్యులు చిలుపురి విష్ణమాచారి, చింతపూల శ్యామల, మౌనిక, ఆకుల శ్రీను, షేక్ సిరాజ్, సుదగొని, కంది శ్రీలత, అందే సరోజన, అందే పుల్లయ్య, బురికి విజయ, అప్పల యశోద, కో ఆప్షన్ చింతపూల కొమురయ్య, రాజయ్య, ఎంపీటీసీ అందే స్వప్న లను పంచాయతీ కార్యదర్శి వెంకటరమణారెడ్డి తో కలిసి శాలువాలతో ఘనంగా సన్మానించారు. సందర్భంగా ఆయన మాట్లాడుతూ… సర్పంచ్, ఉప సర్పంచ్, వార్డు సభ్యుల పదవులకి మాత్రమే విరమణ తప్ప ప్రజాసేవకు కాదు అని అన్నారు. అనంతరం తాజా మాజీ సర్పంచ్ మాట్లాడుతూ… ప్రజాసేవలో నిరంతరం అడుగడుగున సహకరించిన పాలకవర్గ సభ్యులతోపాటు గ్రామంలో ప్రతి ఒక్కరికి ప్రత్యేక కృతజ్ఞతలు తెలిపారు. సర్పంచ్ గా గ్రామానికి విశిష్టమైన సేవలు అందించానని, ప్రజల సహకారం లేనిది ఇది సాధ్యమయ్యేది కాదన్నారు. ఈ కార్యక్రమంలో జెడ్పిటిసి అందే స్వామి, నాయకులు బూడిద సదాశివ, చింతపూల అంజయ్య, కాంతాల శ్రీనివాస్ రెడ్డి, బందెల శ్రీనివాస్, పోతరవేణి కొమురయ్య, బాలయ్య, ప్రధానోపాధ్యాయురాలు జయప్రభ, లైన్ ఇన్స్పెక్టర్ రాములు, కరోబార్ శంకరాచారి, పంచాయతీ సిబ్బంది, ఆశా వర్కర్లు, వివిధ కుల సంఘాల నాయకులు, గ్రామస్తులు, యువకులు, తదితరులు పాల్గొన్నారు.
