సిరా న్యూస్, ఆదిలాబాద్:
విజయ్ సంకల్ప్ యాత్రలో రాజేష్ బాబు…
బీజీపీ ఆధ్వర్యంలో నిర్వహిస్తున్న విజయ్ సంకల్ప్ యాత్రలో బిజెపి నాయకులు, బైంసా మార్కెట్ కమిటీ మాజీ చైర్మన్ జాదవ్ రాజేష్ బాబు పాల్గొన్నారు. ఆదిలాబాద్ నుండి ఆసిఫాబాద్ వరకు నిర్వహించిన సంకల్ప యాత్రలో ఈ మేరకు భారీ కాన్వాయ్ తో రాజేష్ బాబు యాత్రలో పాల్గొన్నారు. గుడిహత్నూర్, ఇంద్రవెల్లి, ఉట్నూర్ రోడ్ షోలలో ఆయన ఈటెల రాజేందర్ తో కలిసి పాల్గొని, ప్రసంగించారు. స్ సంధర్భంగా ఆయన మాట్లాడుతూ… కేంద్రంలో ఈసారి సైతం బీజేపీ అధికారంలోకి రావడం ఖాయమని అన్నారు. ప్రజలంతా కమలం పువ్వు గుర్తుకు ఓటు వేసి రానున్న ఎన్నికల్లో బీజేపీ బలపరిచిన ఎంపీ అభ్యర్థులను గెలిపించాలని కోరారు. పార్టీ ఆదేశిస్తే తాను ఆదిలాబాద్ ఎంపీగా బరిలో నిలిచేందుకు సిద్ధంగా ఉన్నట్లు పేర్కొన్నారు. ప్రజలంతా తనను ఆశీర్వదించాలని కోరారు.
