సిరాన్యూస్,ఖానాపూర్
బోరు మోటార్‌కు మ‌ర‌మ్మ‌తులు చేయించిన మున్సిపల్ చైర్మన్ రాజుర సత్యం
నిర్మల్ జిల్లా ఖానాపూర్ పట్టణం విద్యానగర్ కాలనీ 8వ వార్డులో బోరు మోటార్ చెడిపోయింది. దీంతో తాగునీరు లేక కాలనీ వాసులు ఇబ్బందులకు గుర‌య్యారు. స్థానిక కౌన్సిలర్ మాజీ వైస్ చైర్మన్ అబ్ధుల్ ఖాలిల్ ఖానాపూర్ మున్సిపల్ చైర్మన్ రాజుర సత్యంకు తెలియ‌జేశారు. వెంట‌నే స్పందించిన మున్సిపల్ చైర్మన్ బోరు బావిలో నీటి మట్టంను పరిశీలించారు. మున్సిపాలిటి కార్యాలయం నుండి నూతన బోరు మోటార్ ను ఏర్పాటు చేయించి తాగు నీటిని అందించారు. వార్డులలో ఎక్కడైనా సమస్యలు ఉంటే మున్సిపాలిటీ కార్యాలయంలో తెలియజేయాలని సమస్యలను పరిష్కరిస్తామని అన్నారు. ఈ కార్యక్రమంలో నాయకులు సౌకత్ పాషా, తుమ్ చరన్,జక్కుల మహేందర్, రోహిధస్, మైనార్టీ నాయకులు, మున్సిపాలిటీ వాటర్ సప్లై సిబ్బంది, కాలనీ వాసులు తదితరులు పాల్గొన్నారు.