సిరాన్యూస్, ఓదెల
డ్రగ్స్ నుండి యువతను కాపాడుకుందాం: ఎస్ఐ అశోక్ రెడ్డి
డ్రగ్స్ నిర్మూలన మన అందరి బాధ్యత అని, డ్రగ్స్ నుండి యువతను కాపాడుకుందామ‌ని ఎస్ ఐ అశోక్‌రెడ్డి అన్నారు. బుధవారం పెద్దపల్లి జిల్లా ఓదెల మండల కేంద్రంలో పొత్క పల్లి ఎస్ఐ అశోక్ రెడ్డి ఆధ్వర్యంలో డ్రగ్స్ నిర్మూలన కోసం మోడల్ స్కూల్ విద్యార్థిని విద్యార్థులచే ఓదెల గ్రామంలో ప్రధాన వీధుల గుండా ర్యాలీ నిర్వహించారు. అనంతరం ఎస్ఐ అశోక్ రెడ్డి మాట్లాడుతూ యువత నూరేళ్ల జీవితాన్ని మత్తులో ముంచి కుటుంబాన్ని చిన్న భిన్నం చేసుకుంటున్నారన్నారు. డ్రగ్స్ కు దూరంగా ఉండండి , డ్రగ్స్ మహమ్మారిని తరిమేద్దామ‌ని, యువతను కాపాడుకుందాం తెలిపారు. డ్రగ్స్ నిర్మూలన మనందరి బాధ్యత, దేశ భవిష్యత్తు యువత చేతిలో ఉంది, యువతను కాపాడుకుందామ‌ని తెలిపారు. డ్రగ్స్ మహమ్మారిని తరిమేద్దాం అని అన్నారు. ఈ కార్యక్రమంలో మోడల్ స్కూల్ ప్రిన్సిపాల్ జావేద్ విద్యార్థిని, విద్యార్థులు తదితరులు పాల్గొన్నారు.