సిరా న్యూస్,బేల:
ఆధ్యాత్మిక గురువు బాజీరావు బాబా చూపిన సన్మార్గంలో నడవాలి
– ఆధ్యాత్మికతతోనే ఆరోగ్యవంతమైన జీవితం
– ఆదిలాబాద్‌ ఎమ్మెల్యే పాయల్‌ శంకర్‌
ఆధ్యాత్మికతతోనే ఆరోగ్యవంతమైన జీవనాన్ని గడపవచ్చని ఆదిలాబాద్‌ ఎమ్మెల్యే పాయల్‌ శంకర్‌ అన్నారు. బేల మండలంలోని పాటన్‌ గ్రామంలో ఆదివారం నిర్వహించిన సప్తాహ ముగింపు కార్యక్రమానికి ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ప్రతిఒక్కరు ఆధ్యాత్మిక గురువు బాజీరావు బాబా చూపిన సన్మార్గంలో నడుచుకోవాలని పేర్కొన్నారు. ముఖ్యంగా యువత చెడు వ్యసనాలకు దూరంగా ఉండాలని సూచించారు. అనంతరం మండల నాయకులతో కలిసి ప్రత్యేక పూజలు చేశారు. ఈ కార్యక్రమంలో పాటన్‌ సర్పంచ్‌ ఫైజుల్లా ఖాన్, బీజేపీ మండల నాయకులు తదితరులు పాల్గొన్నారు.