సిరా న్యూస్, సైదాపూర్:
ప్రభుత్వ కళాశాలలో ఎంబీబీఎస్ సీటు సాధించిన బానోతు శృతిక
* బానోతు శృతికకు ఘ‌న స‌న్మానం
కరీంనగర్ జిల్లా సైదాపూర్ మండలంలోని రాయికల్ తండాకు చెందిన బానోతు మమత, రమేష్ నాయక్ ల కుమార్తె బానోతు శృతిక నీట్ లో 492 ర్యాంకు సాధించి కరీంనగర్ ప్రభుత్వ కళాశాలలో ఎంబీబీఎస్ సీటు రావడం పట్ల తల్లిదండ్రులతో పాటు గ్రామస్తులు ఉపాధ్యాయులు హర్షం వ్యక్తం చేస్తూ శుభాకాంక్షలు తెలియజేశారు. శృతిక సైదాపూర్ మండల కేంద్రంలోని కేరళ ఇంగ్లీష్ మీడియం స్కూల్ లో ప్రాథమిక విద్య, వంగర పీవీ రంగారావు హాస్టల్లో పదో తరగతి పూర్తి చేసి అనంతరం హన్మకొండ ప్రైవేట్ కాలేజీలో ఇంటర్మీడియట్ చదువును పూర్తి చేసింది. శృతిక కు ఎంబిబిఎస్ సీటు రావడం పట్ల సైదాపూర్ మండలంలోని కేరళ స్కూల్ పూర్వ విద్యార్ధిని కావడంతో శాలువాతో సన్మానించి శుభాకాంక్షలు తెలిపారు. కార్యక్రమం లో కేరళ ఇంగ్లీష్ మీడియం స్కూల్ ప్రిన్సిపాల్ అనగోని తిరుపతి గౌడ్, రాయికల్ తండాకు నాయకులు, మాజీ సర్పంచ్ బాధవత్ భిక్షపతి నాయక్, బర్మావత్ శంకర్ నాయక్, బానోద్ రవి నాయక్, భూక్య రంగా నాయక్, ప్రశాంత్, తదితరులు ఉన్నారు.