సిరా న్యూస్, ఇచ్చోడ:
ఇచ్చోడలో అస్తవ్యస్థంగా ట్రాఫిక్‌
+ అవస్థలు పడుతున్న జనం
+ పట్టించుకోని పోలీసులు
ఆదిలాబాద్‌ జిల్లా ఇచ్చోడ మండల కేంద్రంలో ట్రాఫిక్‌తో జనాలు తీవ్ర ఇబ్బందులు పడుతున్నారు. ఇచ్చోడ ప్రధాన రహాదారికి ఇరువైపులా దుకాణ సముదాయాలతో పాటు రోడ్లపైనే అనేక చిన్న చిన్న వ్యాపారాలు కొనసాగిస్తున్నారు. దీనికి తోడు కిక్కిరిసిన ఈ రోడ్డుకు ఇరువైపులా బైక్‌లు, కార్లు, ఇతర వహానాలు సైతం ఇష్టం వచ్చినట్లు నిలుపుతుండటంతో సామాన్య జనం తలలుపట్టుకుంటున్నారు. రద్దీగా ఉన్న ఈ రోడ్డు వెంబడి ప్రయాణం అంటేనే జనం జంకుతున్నారు. బస్సులు, లారీలు వంటి పెద్ద వహానాలు ఉన్నప్పడు కనీసం బైక్‌లు వెళ్లడానికి కూడ చోటు లేకుండా ప్రధాన రహాదారి స్తంబించిపోతోందని స్థానికులు వాపోతున్నారు. సోమవారం అయితే సంత కారణంగా అసలు ఈ రోడ్డు పూర్తిగా అస్తవ్యస్తంగా ఉంటోందని, పోలీసులు పట్టించుకొని ట్రాఫిక్‌ ఆంక్షలు అమలు చేయాలని ప్రజలు వేడుకుంటున్నారు.