సిరా న్యూస్, ఖానాపూర్
చెక్‌డ్యామ్‌ల‌తో రైతులకు నీరు
* ఎమ్మెల్యే వెడ్మా బోజ్జు పటేల్
* నూతన చెక్ డ్యామ్ నిర్మాణానికి భూమి పూజ
చెక్‌డ్యామ్‌ల‌తో రైతులకు నీరు అందుతుందని ఎమ్మెల్యే వెడ్మా బోజ్జు పటేల్ అన్నారు. నిర్మల్ జిల్లా పెంబి మండలంలోని పులగం ఫౌండ్రీ గ్రామంలో గురువారం నూతన చెక్ డ్యామ్ నిర్మాణానికి ఖానాపూర్ నియోజకవర్గ ఎమ్మెల్యే వెడ్మా బోజ్జు పటేల్ భూమి పూజ చేశారు. ఈ సందర్భంగా ఆయన మాట్లాడుతూ పులగం ఫౌండ్రీ వ్యవసాయం చేసే ప్రజలు నీరు నిల్వలేకపోవడంతో ఇబ్బందులకు గురై వ్యవసాయం చేయలేకపోతున్నారని తెలిపారు. వచ్చిన నీరు వచ్చినట్లు వెళ్లిపోవడంతో వ్యవసాయ భూములకు నీరు అందడం లేదని, చెక్ డ్యామ్ నిర్మించడం వల్ల నీరు నిల్వ ఉండి వ్యవసాయ భూములకు నీరు అందుతుందని వ్యవసాయ రైతులకు వాగులో నుంచి నడవడానికి సులువుగా ఉంటుందని, నూతన చెక్ డ్యామ్ నిర్మాణానికి భూమి పూజ చేశామని అన్నారు. కార్యక్రమంలో ఖానాపూర్ మున్సిపల్ చైర్మన్ రాజుర సత్యం , పట్టణ అధ్యక్షులు నిమ్మల రమేష్ , ఖానాపూర్ కాంగ్రెస్ నాయకులు శేషాద్రి, మండలాల కాంగ్రెస్ పార్టీ నాయకులు తదితరులు పాల్గొన్నారు.