సిరా న్యూస్, ఖానాపూర్
తల్లిదండ్రుల కలలను నెరవేర్చాలి
* ఖానాపూర్ ఎమ్మెల్యే వెడ్మా బోజ్జు పటేల్
* నూతన తరగతి గదుల నిర్మాణానికి భూమి పూజ
విద్యార్థులు తల్లిదండ్రుల కలలను నెరవేర్చాలని ఖానాపూర్ ఎమ్మెల్యే వెడ్మా బోజ్జు పటేల్ అన్నారు.గురువారం నిర్మల్ జిల్లా ఖానాపూర్ పట్టణంలోని ప్రభుత్వ జూనియర్ కళాశాలలో, పాత ఎల్లపూర్ ,మస్కాపూర్ జిల్లా పరిషత్ ఉన్నత పాఠశాలలలో పలు నూతన తరగతి గదుల నిర్మాణానికి ఖానాపూర్ నియోజకవర్గ ఎమ్మెల్యే వెడ్మా బోజ్జు పటేల్ భూమి పూజ చేశారు. ఈ సందర్భంగా ఆయన మాట్లాడుతూ విద్యార్థులు చదువుకోవడానికి విద్యార్థులకు స్థలం సరిపోకపోవడంతో ఇబ్బందులకు గురవుతున్నారని, దానిని దృష్టిలో పెట్టుకొని ఈరోజు పలు పాఠశాలలో కాలేజీలలో నూతన తరగతి గదులకు భూమి పూజ చేశామని తెలిపారు. విద్యార్థులకు ప్రతి ఒక్కరు బాగా చదువుకొని తల్లిదండ్రులను బాగు చేసుకుంటూ ఉద్యోగాలు సాధించాలని తల్లిదండ్రుల కలలను నెరవేర్చాలని అన్నారు. ఈ కార్యక్రమంలో ఖానాపూర్ మున్సిపల్ చైర్మన్ రాజుర సత్యం , వైస్ చైర్మన్ కావలి సంతోష్ , కౌన్సిలర్స్ నాయకులు జన్నరపు శంకర్ , నాయిని సంతోష్ , పరిమి సురేష్ , షబ్బీర్ పాషా , నాయకులు పట్టణ అధ్యక్షులు నిమ్మల రమేష్,మైనార్టీ మండల ప్రసిడెంట్ సలీం ఖాన్, తోట సత్యం, అసిప్ అలి తదితరులు పాల్గొన్నారు.