కేసీఆర్ మాయమాటలు నమ్మి మోసపోవద్దూ…
సిరా న్యూస్, దస్తూరాబాద్‌:
కేసీఆర్ మాయమాటలలు నమ్మి ప్రజలు మరోసారి మోసపోవద్దని ఖానాపూర్‌ కాంగ్రేస్‌ పార్టీ ఎమ్మెల్యే అభ్యర్థి వెడ్మా బొజ్జు పటేల్ అన్నారు. దస్తూరాబాద్‌ మండలంలోని దేవుని గూడెం, అకొండపేట్, తదితర గ్రామాల్లో ఎన్నికల ప్రచారం నిర్వహించారు. ఈ సందర్భంగా స్థానిక నాయకులు, గ్రామస్తులు డప్పు వాయిద్యాలు, మంగళ హారతులతో ఆయనకు ఘన స్వాగతం పలికారు. ఈ సందర్భంగా వెడ్మా బొజ్జు మాట్లాడుతూ.. గత ఎన్నికల్లో అమలుకు సాధ్యం కానీ హామీలు, మాయమాటలతో అధికారంలోకి వచ్చిన కేసీఆర్, హామీలను నెరవేర్చడంలో ఘోరంగా విఫలమయ్యారని అన్నారు. తెలంగాణను బంగారు తెలంగాణ చేస్తామని చెప్పిన కేసీఆర్, తెలంగాణకు చేసిందేమి లేదన్నారు. అనంతరం కడెం మండలం కొత్త మద్దిపడగలో గ్రామంలో ఏర్పాటు చేసిన కార్యక్రమంలో గ్రామ సర్పంచ్‌ ఇందూర్‌ పార్టీలోకి చేరేందుకు రాగా, ఆయనకు కండువా కప్పి పార్టీలోకి సాదరంగా ఆహ్వనించారు. కాంగ్రేస్‌ పార్టీతోనే ఆభివృద్ధి సాధ్యమని, రానున్న ఎన్నికల్లో ప్రజలంత చేయి గుర్తుకు ఓటు వేసి తనను ఎమ్మెల్యేగా భారీ మెజార్టీతో గెలిపించాలని ఆయన కోరారు. ఆయన వెంట జవహార్‌ బాలమంచ్‌ నిర్మల్‌ జిల్లా అధ్యక్షుడు తులాల శంకర్, వార్డు సభ్యులు గుగ్గిళ్ల భూమేష్, నాయకులు తోకల మహేందర్, మెల్లెపల్లి స్వామి, భుక్యా సుభాష్, జగన్‌ రావ్, అంగోత్‌ రాజేందర్, తదితరులు ఉన్నారు.