సిరాన్యూస్,కాల్వ శ్రీరాంపూర్
కాల్వ శ్రీరాంపూర్లో శునకాల సంచారం.. భ‌యాందోళ‌న‌ల‌తో జనం..
* జనావాసాల్లోకి చొరబాటు
పెద్దపల్లి జిల్లా కాల్వ శ్రీరాంపూర్ మండలంలో కుక్కలు స్వైరవిహారం చేస్తున్నాయి. ఊరూరా గుంపులు గుంపులుగా సంచరి స్తున్నాయి. జనావాసాల్లోకి చొరబడుతున్నాయి. భ‌యాందోళ‌కు గురి చేస్తున్నాయ‌ని ప్రజలు ఆవేదన వ్య‌క్తం చేస్తున్నారు. ఒంటరిగా కనిపించే వారిని వెంటాడుతున్నాయి. చిన్నారులు, కోళ్లు, లేగ దూడలపై దాడులు చేస్తున్నాయి. ఎవరైనా ఎదురు తిరిగితే తెగబడుతున్నాయి. వాహన చోదకులను బెంబేలెత్తిస్తున్నాయి. రోడ్డుపైకి రావాలంటే జనం భయపడే వాతావరణం సృష్టిస్తున్నాయి. దీంతో రోడ్డుపైకి రావాలంటేనే ప్రజలు భీతిల్లిపోతున్నారు. ఇప్పటికే చాలా మంది గాయాలపాలయ్యారు. సమస్యపై అధికారుల దృష్టి సారించాల‌ని ప్రజలు కోరుతున్నారు.