సిరాన్యూస్, ఇంద్రవెల్లి
ఆశ్రమ ఉన్నత పాఠశాలను తనిఖీ చేసిన మహిళా కమీషన్ చైర్ పర్సన్ నేరెళ్ళ శారద
ఆదిలాబాద్ జిల్లా ఇంద్రవెల్లి మండలంలోని కేస్లాపూర్ గ్రామం లోని ప్రభుత్వ ఆశ్రమ ఉన్నత పాఠశాలను శుక్రవారం తెలంగాణ రాష్ట్ర మహిళా కమీషన్ చైర్ పర్సన్ నేరెళ్ళ శారద ఆకస్మికంగా తనిఖీ చేశారు. అనంతంర క్లాస్ రూమ్ లను పరిశీలించారు. విద్యార్థినులతో ముచ్చటిస్తు పాఠశాల అధ్యాపకుల ప్రవర్తన, బోధనా విధానం, హాస్టల్ వసతులు గురించి అడిగి తెలుసుకున్నారు. హాస్టల్ రూమ్ లు, వంటశాల, టాయిలెట్స్ లను పరిశీలించారు. బాలికలు, మహిళలకు సమస్యలు వస్తే మహిళా కమీషన్ దృష్టికి ఎలా తీసుకురావా లో అవగాహన కల్పించేలా చైర్ పర్సన్ నేరెళ్ళ శారద విద్యార్థినీ లకు పలు సూచనలు చేశారు. పాఠశాలను పరిశుభ్రంగా ఉండేలా చూస్తున్న ఉపాధ్యాయులను చైర్ పర్సన్ శారద అభినందించారు. సమస్యల పై ఫిర్యాదు చేయడం కోసం మహిళా కమీషన్ టోల్ ఫ్రీ నెంబర్ 9490555533 ను విద్యార్థులకు ఇచ్చారు.
