సిరా న్యూస్,పెద్దపల్లి ప్రతినిధి:
పట్టణంలోని 8వ వార్డు పరిధిలోని మజీద్ ఏరియాలో కౌన్సిలర్ సేవా రత్నా అవార్డు గ్రహీత బొంకూరి భాగ్యలక్ష్మి ఆదేశాల మేరకు శుక్రవారం స్వచ్చ శుక్రవారం కార్యక్రమాన్ని నిర్వహించారు.
ఈ సందర్భంగా కౌన్సిలర్ భాగ్యలక్ష్మి గెలిచిన నాటి నుండి నేటి వరకు క్రమం తప్పకుండా ప్రతీ రోజూ నిర్వచించే పారిశుధ్య పనులు కాకుండా ప్రతి శుక్రవారం వార్డు పరిధిలోని ఒక్కో ఏరియాను ఎంచుకొని స్వచ్చ శుక్రవారం కార్యక్రమాన్ని నిర్వహిస్తూ డ్రెయినేజీ పూడికలను తీయిస్తూ, పిచ్చి మొక్కలను తొలగిస్తూ క్లోరినేషన్ పనులను నిర్వహిస్తూ వస్తున్నారు.
ఇందులో భాగంగానే కౌన్సిలర్ భాగ్యలక్ష్మి ఆదేశాల మేరకు ఈ రోజు స్వచ్ఛ శుక్రవారం కార్యక్రమాన్ని పురస్కరించు కొని మజీద్ ఏరియాలో కచ్చ కాలువను శుభ్రం చేసి పిచ్చి మొక్కలను తొలగించి బ్లీచింగ్ పౌడర్ ను చల్లి క్లోరినేషన్ పనులను చేశారు. ఈ కార్యక్రమంలో హెల్త్ అసిస్టెంట్ సంపత్,అల్క జావాన్ కనుకుంట్ల కరుణాకర్, సిబ్బంది ఈర్ల భూమయ్య , అసంపెల్లి ఎల్లమ్మ , జక్కేనపెల్లి అనంత లు పాల్గోన్నారు.