సిరా న్యూస్, నిర్మల్:
అనారోగ్యాన్ని సైతం లెక్క చేయకుండా…
+ చేతికి క్యానులతోనే కార్యక్రమాలకు
+ సోషల్ మీడియాలో హల్చల్ చేస్తున్న ఎమ్మెల్యే వెడ్మా బొజ్జు పటేల్ ఫోటో
అనారోగ్యాన్ని సైతం లెక్కచేయకుండా, చేతికి క్యానుల పెట్టుకొని మరీ అధికారిక క్యార్యక్రమాల్లో పాల్గొన్న ఖానాపూర్ ఎమ్మల్యే వెడ్మా బొజ్జు పటేల్ ఫోటో ప్రస్తుతం సోషల్ మీడియాలో హల్చల్ చేస్తున్నది. బుధవారం ఆదిలాబాద్ జిల్లా లో ఇంచార్జీ మంత్రి సీతక్క పర్యటన సందర్భంగా నిర్వహించిన పలు కార్య్రమాల్లో ఆయన పాల్గొన్నారు. అయితే తీవ్ర అనారోగ్యంతో ఉన్నప్పటికీ ఐవీ క్యానులా పెట్టుకొని మరీ కార్యక్రమాల్లో ఆయన పాల్గొన్న తీరు పార్టీ కార్యకర్తలను, అభిమానులను కట్టిపడేసింది. ప్రజా సేవపై ఆయనకున్న చిత్తశుద్ధికి ఈ ఒక్క ఫోటో చాలని పలువురు అభిప్రాయం వ్యక్తం చేస్తున్నారు.