సిరాన్యూస్, ఉట్నూర్ :
రైతుల సంక్షేమానికి కృషి చేయాలి : ఎమ్మెల్యే వెడ్మ బొజ్జు పటేల్
* ఎమ్మెల్యేను శాలువాతో సత్కరించిన జైనూర్ మార్కెట్ కమిటీ చైర్మన్, వైస్ చైర్మన్,సభ్యురాలు
నూతనంగా ఎన్నికైన జైనూర్ మార్కెట్ కమిటీ సభ్యులు రైతుల సంక్షేమానికి నిరంతరం కృషి చేయాలని ఖానాపూర్ నియోజకవర్గ శాసనసభ్యులు వెడ్మ బొజ్జు పటేల్ అన్నారు.బుధవారం ఆదిలాబాద్ జిల్లా ఉట్నూరు మండల కేంద్రంలోని ఎమ్మెల్యే క్యాంపు కార్యాలయంలో నూతనంగా ఎన్నికైన జైనూర్ మార్కెట్ కమిటీ చైర్మన్ కుడ్మేత విశ్వనాథ్,వైస్ చైర్మన్ బానోత్ జైవంతరావు,సభ్యురాలు తొడసం రాధాబాయి ఎమ్మెల్యే వెడ్మ బొజ్జు పటేల్ ను మర్యాదపూర్వకంగా కలిశారు. సందర్భంగా శాలువాతో సత్కరించి, ఎమ్మెల్యే కు కృతజ్ఞతలు తెలిపారు.అనంతరం ఎమ్మెల్యే మాట్లాడుతూ రాష్ట్ర ప్రభుత్వం రైతుల సంక్షేమం కోసం నిరంతరం కృషి చేస్తుందని అన్నారు.నూతనంగా ఎన్నికైన మార్కెట్ కమిటీ చైర్మన్,వైస్ చైర్మన్, సభ్యులు నిత్యం రైతులకు అందుబాటులో ఉంటూ వారి సమస్యల పరిష్కారానికి కృషి చేయాలన్నారు.పార్టీ కోసం కష్టపడ్డా ప్రతి ఒక్కరికి సముచిత స్థానాన్ని కల్పిస్తామని ఎమ్మెల్యే పేర్కొన్నారు.