సిరాన్యూస్, సామర్లకోట
14న పల్లె పండుగ వారోత్సవాలు : ఎంపీడీఓ హిమమ‌హేశ్వ‌రి
ఈ నెల 14 నుంచి 20 వరకూ సామర్లకోట మండలంలో జరిగే పల్లే పండుగ పంచాయతీ వారోత్సవాలను విజయవంతం చేయాలని ఎంపీడీఓ హిమమ‌హేశ్వ‌రి అన్నారు. శుక్రవారం సామర్లకోట ఎంపీడీఓ కార్యాల‌యంలో ఏర్పాటు చేసిన విలేక‌రుల స‌మావేశంలో ఎంపీడీఓ హిమమ‌హేశ్వ‌రి మాట్లాడారు. మండలంలో గ్రామ సభలలో గుర్తించిన అభివృద్ధి పనులకు దశలవారీగా పనులు చేపట్టవలసినదిగా కమిషనర్ (పి ఆర్ అండ్ ఆర్ డి )ఆంధ్ర ప్రదేశ్ తాడేపల్లి వారు ఉత్తర్వులు జారీ చేశారని చెప్పారు. ఈ కార్య క్ర‌మాల‌ను ఈనెల 14 నుంచి 20 వరకు నిర్వ‌హించే పల్లె పండుగ వారోత్స‌వాల‌లో భాగంగా చేప‌ట్టాల‌ని తెలిపారు. ప‌లు అభివృద్ధి పనులను ఎమ్మెల్యే నిమ్మకాయ చినరాజప్ప శంకుస్థాపన కార్యక్రమంతో మొదలుపెడతారని తెలిపారు. మండ‌లంలోని అచ్చంపేట ,హుస్సేన్ పురం పనసపాడు మాధవపట్నం నవర, చంద్రపాలెం ,పవర వేట్లపాలెం, పెద్ద బ్రహ్మదేవం, గ్రామాలలో పల్లె పండుగ వారోత్సవాలు జరుగుతాయని తెలిపారు.