సిరాన్యూస్, ఆదిలాబాద్
ఈనెల 4న జిల్లా స్థాయి నెట్ బాల్ ఎంపిక పోటీలు : ఆర్గనైజర్‌ హరీష్
ఆదిలాబాద్ జిల్లా కేంద్రంలోని ఎస్ ఆర్ ప్రైమ్ పాఠశాలలో ఈనెల 4న ఆదిలాబాద్ జిల్లా నెట్ బాల్ అసోసియేషన్ ఆధ్వర్యంలో సబ్-జూనియర్స్ బాల బాలికల నెట్ బాల్ జిల్లాస్థాయి ఎంపిక పోటీలు నిర్వహిస్తున్నట్లు అసోసియేషన్ అధ్యక్ష ప్రధాన కార్యదర్శులు మల్లేష్ , గౌతమ్ ఒక ప్రకటనలో తెలిపారు. అభ్య‌ర్థులు 1-11-2024 వరకు 16 సంవత్సరాలకు లోబడి ఉండాలని తెలిపారు. ఎంపిక పోటీలకు అర్హులైన ఆసక్తి కలిగిన క్రీడాకారులు సంబంధిత వయసు ధ్రువీకరణ పత్రం, బోనాఫైడ్, బర్త్ సర్టిఫికెట్ లతో నవంబర్ 4వ తేదీ న ఉదయం 10 గంటలకు పోటీల కన్వీనర్ పాఠశాల ప్రిన్సిపల్ కిరణ్ కుమార్, పోటీల ఆర్గనైజర్లు బి గౌతమ్, హరీష్ లకు రిపోర్ట్ చేయాలని వారు సూచించారు. ఎంపికైన క్రీడాకారులు ఈనెల 8 నుండి 10వ తేదీ వరకు నిర్మల్ లో జరిగే రాష్ట్రస్థాయి పోటీలో పాల్గొంటారని తెలిపారు.