సిరా న్యూస్, ఆదిలాబాద్:
టియుడబ్ల్యుజె – ఐజేయు జిఇలా కన్వీనర్‌గా పి.దేవిదాస్
తెలంగాణ యూనియన్ ఆఫ్ వర్కింగ్ జర్నలిస్ట్స్ (టియుడబ్ల్యుజె – ఐజేయు) ఆదిలాబాద్ జిల్లా అడహక్ కమిటీ కన్వీనర్‌గా పి.దేవిదాస్ (V6 news), కో కన్వీనర్‌గా ఎం.రాజేశ్వర్ ను టియుడబ్ల్యుజె- ఐజేయు రాష్ట్ర కమిటీ నియమించింది. ఈ మేరకు రాష్ట్ర అధ్యక్షులు విరాహత్ అలీ, రాష్ట్ర ప్రధాన కార్యదర్శి రామనారాయణరెడ్డి లు ఒక ప్రకటన విడుదల చేశారు. రాష్ట్ర కార్యవర్గంలో ఆదిలాబాద్ జిల్లా అడహక్ కమిటీని ఏర్పాటు చేస్తూ తీర్మానించినట్లు వారు పేర్కొన్నారు. ఈ సందర్భంగా పి దేవిదాస్ మాట్లాడుతూ… జిల్లాలో వర్కింగ్ జర్నలిస్టుల సంక్షేమం కోసం టియుడబ్ల్యుజె-ఐజేయు పని చేస్తుందని తెలిపారు. జర్నలిస్టు ల చిరకాల స్వప్నం ఇళ్లస్థలాలు మంజూరుకు ఐజేయు కృషి చేస్తుందని వారు పేర్కొన్నారు .. ప్రెస్ అకాడమీ ఛైర్మన్, టియుడబ్ల్యుజె-ఐజేయు ఇండియా ప్రెసిడెంట్ కె.శ్రీనివాస్ రెడ్డి నేతృత్వంలో టియుడబ్ల్యుజె-ఐజేయు జర్నలిస్టు ల సంక్షేమమే ధ్యేయంగా పనిచేస్తోందని తెలిపారు.