సిరాన్యూస్, జైనథ్
లక్ష్మీపూర్ ఉన్నత పాఠశాలలో ప్రయోగాల ప్రదర్శన : ప్రధానోపాధ్యాయులు పోరెడ్డి అశోక్
తెలంగాణ అకాడమీ ఆఫ్ సైన్సెస్ ఆధ్వర్యంలో జైనథ్ మండలంలోని లక్ష్మీపూర్ ఉన్నత పాఠశాలలో సైన్స్ ప్రయోగాల ప్రదర్శన నిర్వహించినట్లు ప్రధానోపాధ్యాయులు పోరెడ్డి అశోక్ తెలిపారు. ఈ సందర్భంగా రిసోర్స్ పర్సన్లు విద్యార్థులకు భౌతిక రసాయన శాస్త్రం, జీవశాస్త్రములకు చెందిన 35 ప్రయోగాలను ప్రదర్శించడం జరిగిందన్నారు. విద్యార్థులలో సైన్స్ పట్ల సరైన అవగాహన, శాస్త్రీయ దృక్పథం పెంపొందించడం కొరకు సైన్స్ ప్రయోగాల ప్రదర్శన నిర్వహించినట్లు తెలిపారు. కార్యక్రమంలో రిసోర్స్ పర్సన్లు సత్యనారాయణ వాసుకి ఉపాధ్యాయులు హనుమంత్ రావు, నారాయణ తదితరులు పాల్గొన్నారు.