సిరా న్యూస్, ఆదిలాబాద్:
ఆదిలాబాద్ జిల్లా జైనథ్ మండల కేంద్రంలో కొలువైన శ్రీ లక్ష్మీనారాయణ స్వామి సేవకు రథం సిద్ధమైంది. సాయంత్రం ఐదు గంటలకు గ్రామంలోని ప్రధాన వీధుల గుండా రథోత్సవ కార్యక్రమం నిర్వహిస్తున్నట్లు ఆలయ కమిటీ సభ్యులు, గ్రామస్తులు తెలిపారు. స్వామివారి ఉత్సవ విగ్రహాలను బంతిపూలతో అలంకరించిన రథంలో ప్రతిష్టించి భక్తుల దర్శనార్థం శోభాయాత్ర నిర్వహించనున్నట్లు తెలిపారు. మేరకు ఆలయంలో ఉదయం నుండి ప్రత్యేక పూజలు అభిషేకాలు నిర్వహిస్తున్నారు. సాయంత్రం వేళ భక్తులు పెద్ద ఎత్తున హాజరు కానుండడంతో అవసరమైన అన్ని ఏర్పాట్లు పూర్తి చేసినట్లు ఆలయ కమిటీ సభ్యులు తెలిపారు.