సిరా న్యూస్,హైదరాబాద్;
మావోయిస్టులకు మరో ఎదురుదెబ్బ తగిలింది, మావోయిస్టు కీలక నేత సుజాతను పోలీసులు పట్టుకున్నారు. చికిత్స కోసం కొత్తగూడెంలోని ఆస్పత్రికి వెళ్తుండగా తెలంగాణ పోలీసులు బుధవారం ఆమెను అరెస్ట్ చేసినట్లుగా తెలిసింది. అయితే, ఆమెను ఛత్తీస్గఢ్లోని సుక్మాలో తెలంగాణ పోలీసులు ఆమెను అరెస్టు చేశారని వార్తలు వచ్చాయి.
మావోయిస్టుల ఆపరేషన్ల లో కీలక పాత్ర పోషించిన సుజాతపై మహారాష్ట్ర, ఆంధ్రప్రదేశ్, తెలంగాణ, ఛత్తీస్గఢ్లో రూ.కోటికిపై గా రివార్డు ఉంది. ప్రస్తుతం ఆమె బస్తర్ డివిజనల్ కమిటీకి ఇన్ఛార్జ్గా ఉన్నారు. సుక్మా ప్రాంతంలో జరిగిన అనేక ఘటనల్లో ఆమె మోస్ట్ వాంటెడ్గా ఉన్నారు. మహబూబ్ నగర్కు చెందిన కల్పన అలియాస్ సుజాతను పోలీసులు విచారిస్తున్నారు. మావోయిస్టులకు సంబం ధించిన కీలక సమాచా రాన్ని ఆమె నుండి రాబట్టే ప్రయత్నం చేస్తున్నారు పోలీసులు. సుజాత మావోయిస్టు పార్టీలో కీలకమైన పదవుల్లో పని చేశారు.